തിരുന്നാവായ: രോഗികളെ സാന്ത്വനിപ്പിക്കുന്നതും നിരാലംബര്ക്ക് ആലംബമേകിയും തുടങ്ങിയ ജീവകാരുണ്യ പ്രവര്ത്തനങ്ങള് എല്ലാവരും ജീവിതചര്യയാക്കണമെന്ന് പാണക്കാട് സയ്യിദ് റശീദലി തങ്ങള് പറഞ്ഞു.
ഇത്തരത്തില് സമൂഹത്തിന് ആശ്വാസകരമായ പദ്ധതികളുമായി രംഗത്തിറങ്ങിയ സമസ്തയുടെ പ്രവര്ത്തനം മാതൃകാപരമാണെന്നും തങ്ങള് പറഞ്ഞു. എടക്കുളം മഹല്ല് സമ്മേളനവും ഓഫീസ് ഉദ്ഘാടനവും കുന്നുംപുറത്ത് നിര്വഹിച്ചു സംസാരിക്കുകയായിരുന്നു തങ്ങള്.
മഹല്ല് പ്രസിഡന്റ് സി.പി പരീക്കുട്ടി ഹാജി അധ്യക്ഷത വഹിച്ചു. സാമൂഹ്യക്ഷേമ പദ്ധതി ലോഞ്ചിഗും കമ്പ്യൂട്ടര് ലാബ് ഉദ്ഘാടനവും നിര്വഹിച്ചു. അലവി ദാരിമി കിടങ്ങയം, അബൂബക്കര് ഫൈസി മലയമ്മ, കെ.എം കുട്ടി, ഇസ്മായില് ഹുദവി, നാസര് ഫൈസി, അബൂബക്കര് ഫൈസി പ്രസംഗിച്ചു.
No comments:
Post a Comment