മലയാളി വിദ്യാര്‍ഥി ഖുര്‍ആന്‍ വിജ്ഞാനം മാറ്റുരയ്ക്കാനിറങ്ങി
ദുബായ്:അന്താരാഷ്ട്ര ഹോളി ഖുര്‍ആന്‍ അവാര്‍ഡ് കമ്മിറ്റി നടത്തുന്ന ഖുര്‍ആന്‍ പാരായണ മത്സരത്തില്‍ ഇന്ത്യയെ പ്രതിനിധാനം ചെയ്യുന്നത് മലപ്പുറം സ്വദേശി ഖലീലുര്‍ റഫ്മാന്‍. കഴിഞ്ഞദിവസം ദുബായ് ചേംബര്‍ ഓഫ് കൊമേഴ്‌സ് ഹാളില്‍ നടന്ന ആദ്യദിന മത്സരത്തില്‍ ഖലീല്‍ തന്റെ ഖുര്‍ആനിക വിജ്ഞാനം മാറ്റുരയ്ക്കാനിറങ്ങി.
മലപ്പുറം ഒളവട്ടൂര് അബ്ദുറഹ്മാന്‍ ഫൈസിയുടെ മകനായ ഖലീല്‍ ചെമ്മാട് ദാറുല്‍ ഹുദാ യൂണിവേഴ്‌സിറ്റി വിദ്യാര്‍ഥിയാണ്. ഹിഫ്ല് കോളേജില്‍നിന്നും രണ്ടുവര്‍ഷം കൊണ്ടാണ് ഖുര്‍ആന്‍ മനപ്പാഠമാക്കിയത്. ആദ്യമായാണ് ഇന്ത്യയ്ക്ക് പുറത്ത് മത്സരത്തില്‍ പങ്കെടുക്കുന്നതെന്ന് 15-കാരനായ ഖലീല്‍ വ്യക്തമാക്കി.
അന്താരാഷ്ട്ര തലത്തില്‍ പ്രശസ്തമായ ഖുര്‍ആന്‍ പാരായണ മത്സരത്തില്‍ ഇത്തവണ 88 രാജ്യങ്ങളാണ് പങ്കെടുക്കുന്നത്. രണ്ടുലക്ഷം ദിര്‍ഹമാണ് ഒന്നാം സമ്മാനം. മത്സരം റംസാന്‍ 18 വരെ തുടരും.
No comments:
Post a Comment