ദുബൈ അന്താരാഷ്ട്ര ഹോളി ഖുര്ആന് അവാര്ഡ്സില് അന്താരാഷ്ട്ര ഇസ്ലാമിക വ്യക്തിത്വമായി ഈജിപ്തിലെ അല്അസ്ഹര് സ്ഥാപനങ്ങളുടെ മേധാവിയായ ശെയ്ഖ് ഡോ. അഹ്മദ് ത്വയ്യിബ് തെരഞ്ഞെടുക്കപ്പെട്ടു.
ഹോളി ഖുര്ആന് അവാര്ഡ്സ് മത്സരങ്ങളോടനുബന്ധിച്ച് ഓരോ വര്ഷവും ഏറ്റവും ശ്രദ്ധേയനായ വ്യക്തിക്കോ സംഘടനക്കോ നല്കുന്ന ഇസ്ലാമിക് പേഴ്സനാലിറ്റി ഓഫ് ദ ഇയര് അവാര്ഡിനാണ് അഹ്മദ് ത്വയ്യിബ് അര്ഹനായിരിക്കുന്നത്. 1946ല് ജനിച്ച ത്വയ്യിബ് അല്അസ്ഹര് സര്വകലാശാലയില് നിന്നാണ് ബിരുദവും ഡോക്ടറേറ്റും നേടിയത്. ശേഷം ഫ്രാന്സിലും ഉപരിപഠനം നടത്തിയിട്ടുണ്ട്.
അല്ഐനിലെ യു.എ.ഇ സര്വകലാശാല അടക്കമുള്ള സ്ഥാപനങ്ങളില് അധ്യാപനം നടത്തിയിട്ടുള്ള 2010 ,മുതല് അല്- അസ്ഹര് സര്വകലാശാലയുടെ മേധാവിയാണ് .
പ്രമുഖ ഈജിപ്ഷ്യന് പണ്ഡിതനായിരുന്ന മുഹമ്മദ് മുതവല്ലി ശഅ്റാവിയാണ് ആദ്യമായി അവാര്ഡിനര്ഹനായത്.
No comments:
Post a Comment