നമസ്കാര സമയങ്ങളില് പ്രാര്ത്ഥന നടത്തിയതിന്റെ പേരില് 24 മുസ്ലിം തൊഴിലാളികളെ അമേരിക്കന് കമ്പനിയായ ഡിഎച്ച്എല് ജോലിയില് നിന്ന് പിരിച്ചുവിട്ടു. നമസ്കാര സമയങ്ങളില് മുസ്ലിം തൊഴിലാളികള്ക്ക് ഇടവേള അനുവദിച്ചു കൊണ്ടുള്ള കമ്പനി നിയമത്തില് മാറ്റം വരുത്തിയാണ് പിരിച്ചുവിടല്.
ഡിഎച്ച്എല് കമ്പനി മതസ്വാതന്ത്യ്രം നിഷേധിക്കുന്നതായി കാണിച്ച് സമാനമായ 11 പരാതികള് ഇതിനകം അധികാരികള്ക്ക് ലഭിച്ചിട്ടുണ്ട്. മതാചാരങ്ങള് പാലിക്കാനും വിശ്വാസങ്ങള് കാത്തുസൂക്ഷിക്കാനും നിയമപരിരക്ഷയുള്ള രാജ്യമാണ് അമേരിക്ക. 1964 ലെ ഫെഡറല് സിവില് റൈറ്റ്സ് നിയമപ്രകാരവും കെന്റക്കി സിവില് റൈറ്റ്സ് ആക്ട് പ്രകാരവും തൊഴില് മേഖലകളില് തൊഴിലാളികള്ക്കുള്ള മതസ്വാതന്ത്യ്രം ഉറപ്പുവരുത്തുന്നുണ്ടെന്ന് അമേരിക്കന് മുസ്ലിം പൌരാവകാശ സംഘടനയായ കെയര് നേതാവ് ബൂക്കര് വാഷിങ്ടണ് പറഞ്ഞു.
എന്നാല് സംഭവത്തെക്കുറിച്ച് പ്രതികരിക്കാന് ഡിഎച്ച്എല് തയ്യാറായിട്ടില്ല.
No comments:
Post a Comment