തലസ്ഥാനമായ അങ്കാറയിലെ തുര്‍ഗുത് ഒസാല്‍ യൂണിവേഴ്‌സിറ്റിയിലും അതിപുരാതനവും ചരിത്ര പ്രസിദ്ധവുമായ തീര്‍ത്ഥാടന നഗരവുമായ ഖൂനിയയിലെ മൗലാന ജലാലുദ്ദീന്‍ റൂമി യൂണിവേഴ്‌സിറ്റിയിലുമാണ് ഇവര്‍ ഉപരി പഠനം നടത്തുന്നത്.
കഴിഞ്ഞ വര്‍ഷം ദാറുല്‍ ഹുദാ സന്ദര്‍ശിച്ച മൗലാനാ റൂമി യൂണിവേഴ്‌സിറ്റി വൈസ് ചാന്‍സലര്‍ ഡോ. ബഹാഉദ്ദീന്‍ ആദമും സംഘവും ഇതുമായി ബന്ധപ്പെട്ട് ദാറുല്‍ ഹുദാ പ്രതിനിധികളുമായി ചര്‍ച്ച നടത്തിയിരുന്നു. പിന്നീട് തുര്‍ക്കിയില്‍ നിന്നും ഔദ്യോഗിക പ്രതിനിധി സംഘം ദാറുല്‍ ഹുദാ കാമ്പസിലെത്തി ഇന്റര്‍വ്യൂ നടത്തിയാണ് ഉപരി പഠനത്തിനായി വിദ്യാര്‍ത്ഥികളെ തെരഞ്ഞെടുത്തത്. ഇവരുടെ യാത്ര, വിദ്യാഭ്യാസം തുടങ്ങിയ മുഴുവന്‍ ചെലവുകളും ആതിഥേയര്‍ തന്നെ വഹിക്കുന്നതാണ്.
കഴിഞ്ഞ ദിവസങ്ങളിലായി തുര്‍ക്കിയിലേക്ക് പുറപ്പെട്ട ഹുദവി സംഘത്തിന്ന് ദാറുല്‍ ഹുദാ കാമ്പസില്‍ യാത്രയയപ്പ് നല്‍കി. വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദവി ചടങ്ങിന് നേതൃത്വം നല്‍കി. കെ.എം സൈതലവി ഹാജി, യു. ശാഫി ഹാജി, കെ.സി മുഹമ്മദ് ബാഖവി, ഇസ്ഹാഖ് ബാഖവി, യൂസുഫ് ഫൈസി, അലി മൗലവി, അബദുല്‍ ഖാദര്‍ കുട്ടി ഫൈസി, ഇബ്‌റാഹീം ഫൈസി, സി. എച്ച് ശരീഫ് ഹുദവി, അനസ് ഹുദവി, നാസര്‍ ഹുദവി തുടങ്ങിയവര്‍ സംബന്ധിച്ചു.
നിശ്ചിത സ്ഥലങ്ങളിലെ ഇവരുടെ റജിസ്‌ട്രേഷനും അനുബന്ധ നടപടികളും ഔദ്യോഗികമായി പൂര്‍ത്തീകരിക്കുന്നതിനായി ദാറുല്‍ ഹുദയെ പ്രതിനിധീകരിച്ച് റഫീഖലി ഹുദവിയും സംഘത്തെ അനുഗമിക്കുന്നുണ്ട്.
No comments:
Post a Comment